تــــو ما لبســــت شمـــاغ وأنت عبــــايه!!!

يا زين يوم أني أنا وأنتي صغـار
توما لبست شماغ وأنتي عبآيـه

بالطول ما ناصل ولا خمسة أشبـار
دايـم نقيـس أطوالنـا بالمرايـه

مابيننـا شيـن نخبيـه وأسـرار
ماغير لعب أطفال كـل الحكايه

ماهمنا موجـز ولا نشـرة أخبار
التسلية صـارت وسيلـه وغايـه

وان جا فلم كرتون للقطو والفـار
نجلـس نتابـع قصتـه للنهـايـه

بالمدرسة نزعل على شان الاصفار
أنتي سبب لعبك وأنا مـن غبآيـه

يا ما تهاوشنا على كيـس فيشـار
أنحاش به وافرح بطـردك ورايـه

وان قلتي يا بندر ياويلك من النار
أخاف واستسلـم وأبيـن خطايـه

والى ضربتيني تقـل بيننـا ثـار
وان قلت كافي قلتي ما هـو كفايـه

والى خلصتي ضرب بيمين ويسار
أخذتي الفيشـار واللـي معايـه

والى زعلت وقلت أبا أروح للـدار
صحتي وقلتي آسفة يـا غلايـه

وأصدقك وأفرح بعد ذيك الأعـذار
وأجيك لا حاقد ولا أحمل وشايـه

بس لو أشوفك مع بشر غيري أغار
لو كان اخوي أو من أعز أصدقايه

وأركض لخوك أقول شفها مع اكبار
عشان يفرض لي عليك الوصايـه

هـذي طفولتنـا بـراءه وتذكـار
دايم نحـن اليـا ذكرنـا البدايـه

واليوم أبا اكتبها سواليف وأشعار
وأفكـر أنتجها بفلـم وروايــه ..

منقولـ ..

الله عـ الكلمات الرووعه

يعيطكـ العافيه قلبوو

تحيتي

يعـــــــــافي قلبـــــــــك مجـــــــــوده منوره المتصفـــــــــح,,