اهلا وسهلا بك يازائر في منتديـات || الدنيا حلوهـ ||
 
الرئيسيةمكتبة الصورالتسجيلدخول

شاطر | 
 

 لو يموت الشوق قصه روعه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4
كاتب الموضوعرسالة
وردة الجوري
مــشــرفــه
مــشــرفــه
avatar

انثى عدد الرسائل : 4427
العمر : 27
العمل/الترفيه : طالبه
المزاج : رايقه
نــقــاط الــعــضو: : 50
تاريخ التسجيل : 19/09/2008

مُساهمةموضوع: رد: لو يموت الشوق قصه روعه   الثلاثاء يناير 20, 2009 4:26 am

مر شهرين
لا احداث ولاجديد
البنات نجحوا ومنور نفس الشي
شوق حالتها لافضل
فيصل طبعا محجوز ولايكلمونه الا بالزجاج
مرت نايف ولدت واخيرا وجابت بنت سموها فرح
لكن
فهد مع ابوه بألمانيا

في الفتره الماضيه ابوه قام يحس بالم تحت الضهر ويزيد عليه
وراح وكشفوا عليه اتضح ان الفقره تحركت من مكانها الحساس اللي كانوا خايفين منه وانهم يقدرون يرجعونها مكانها الاصلي ويرجع ويمشي بعد ماكان مقعد لسنتين واكثر.......!!!!!!!!!!

منور تكلم فهد بالجوال :محتاجتك يافهد
فهد:صدقيني انا اكثر اول سفره يمكن اطول فيها مثل كذاا شهر من عمري راح وانا ماشفتك بس الحمدلله في شي يفرحني ان عملية ابوي انجحت واللي باقي ليه تمارين
منور :جددددددددد
فهد:أي بس لاتقولين لحد مفاجاه هذي
منور :خلااااص ولايهمك (وبصوت رومانسي)فهد
فهد بصوت رقيق؟:امري
منور :اشتقت لك ابيك ابي حنانك يافهد محتاجة لك
فهد وبصوت رومانسي :ياقلبي لاتقولين هالكلاام انا برجع لك لك انتي بس
منور وهي تبكي:احس بالدنيا فرااغ خصوصا اني تعبانه هالايام فهد
فهد وقلبه ببطنه:شفييك
منور :من فراقك احس اني تعباانه ارحمني وارجع ارجووووووك
فهد:بقولك شي مع اني نفس الشي بخليه مفاجاه
منور :قله لي ومنور تسمع صوت غريب عنده
منور :شذاا
فهد:لاا مافي شي المفاجاه بتشوفينها قدام عينك بعد يمكن ساعتين
منور:جد طيب انتضررك
فهد:مضطر اسكر منك الحين انتضري المفاجأه
منور :طيب بحفظ الرحمن
وسكرت منه هي تعرف ليه تعباانه بس الله يعينها طلعت من جناحها وراحت لمريم تحت وسولفت معاها واخذت من فروحه شوي وقامت تلعب معها

بعد ساعتين منور راحت ينقال بتكلم فهد بس تذكرت ان الرقم اللي كلمها به عمومي يعني مجهول شسالفته ذاا
دخلت الحمام تاخذ لها شاور وطلعت بقميص نوم ابيض لنص الفخذ وخيوط من فوق نااعم وكيوت ومرتب عليهاا
وهي جالسه تمشط شعرها سمعت صوت بس ماهتمت له بس تفاجات بصوت يفتح باب غرفتها وشناط تنرمي على الارض
وقف تطالع بالباب بس مو غريب اللي دخل


هو فهد بنفسه................!!!!!!!!!!!11
من اول ماشافته ماستحملت عمرها وجات تركض له وتضمه ويضمها بحناان
فهد وهو يطالعيها وهي شاده عليه ويمسح على شعرها:شخبارك قلبي
منور :احبك بس
احتضنها فهد بحنان كأنه فاقد شي غالي عليه وبالفعل هي غاليه عليه واحشته حيل ومشتاااق لها مره
طبعا ابوه نام واليوم الثاني جاو يسلموون عليه بس المفاجاه انه يمشي..!!!!
نعم يمشي بعد سنتين وهو على كرسي جلسوا عنده الرجال والحريم دخلوا عند مريم وبنتها اللي لها تقريبا عشرين يووم والكل مرتبش معاها
ام خالد:يابنتي كان بنت ساخنه روحي المستشفى شوفي
مريم:مادري انا ماعندي احد يعلمني يعني اهي الحين ساخنه
كسرت خاطرهم حييل ولا عرفوا وش يردووون
جلسوا عندها ولاجا 12 الا طلعواا
في بيت ام خالد
ام خالد ابو خالد:البنت مريضه ماتتزوجها
خالد معصب:يعني الاول كنتوا تتمنونها بس الضروف منعتنا بس الحين علشانها مريضه ماتبغونها ويلتفت لابوه: وهذا وهي بنت اخووك يايبه المفروض تقول هي لك واخذها واهم شي راحتك
ام خالد:بس البنت
خالد:خلااص يمه انا قرررت وارجوكم اذا تحبوني وافقوا على قراري ومايجي يوم الخميس الجاي الا متزوجين
هلي لاتحرموني منه
هلي لاتبعدوني عنه
مثل ماهو قطعه مني
تراني قطعه منه
احبه اموت واذوب وادوخ والله وميت فيه
احبه وعقلي وقلبي وروحي ياعلي مابكيه
هلي اذا ماكان عاجبكم
هلي الله يسامحكم
هلي تكفون طالبكم
واحس بشوفة الجنه

ابوه:صااحي انت؟
خالد:أي صاحي وافكر بطريقه سليمه بعد شوق في هالجو مايصلح لاحفلات ولاشي واليوم الاثنين خلاص اهم موافقين وبموافقتكم اتزوجها اذا اتنتوا تحبوني وافقوا ولا اذا لا ماراح اتزوج طول عمرري
ام خالد وزوجها:براحتك
وبالفعل ما جا الخميس الا خالد زوج شوووق
بعد ماطلعوا الرجال ولابقى الا راكان وخا وابوه وابوها
خالد:وينها الحين هي؟
راكان:بغرفتها
خالد:تدري
راكان:لا ماقلنا لها
خالد وبمفاجأه:حبوب انتي
راكان:خالد:انت الوحيد الي تعرف تقنعها خلاص انتهى الامر تبي تروح لها
خالد:أي
راكان:قم معاي
وراحوا للدور الثاني
طق الباب راكان ماردت فتحه شافه مفتوح دخل خالد قبله وسكر الباب وقال لراكان قبل مايسكره كله:ارجووك
راكان يبغى يدخل:خااــ
خالد:لا
وسكر الباب ورااه استند على البوايه وعطاها ضهره وتنفس بعمق
الله يعينه على الجاي بس

















_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وردة الجوري
مــشــرفــه
مــشــرفــه
avatar

انثى عدد الرسائل : 4427
العمر : 27
العمل/الترفيه : طالبه
المزاج : رايقه
نــقــاط الــعــضو: : 50
تاريخ التسجيل : 19/09/2008

مُساهمةموضوع: رد: لو يموت الشوق قصه روعه   الثلاثاء يناير 20, 2009 4:27 am

الجزء الثاني والعشرون


جلس يطالع بالغرفه الغرفه مكتومه وانوارها هاديه مره
حس بصوت بوابة الحمام ينفتح
الا شوق طالعه بروب السباحه(فوطة الحمام ورابطتها
رفعت نضرها تشوف رجال قدامها بدت الحاله عندها
جاها خالد مسرع وسكر فمها بيدينه وبصوت هادي:انا خالد خالد ياشوق تذكريني
شوق وعيون فيها دموع ووجه احمر:خاالد
وتحاول تتذكر: خالد خالد
خالد بخيبه:عرفتيني
شوق وبراحه:أي اعرفك انت خالد
ارتاح نفسيا
شوق وبخوف:شتبي جاي هنا وشوي بتصرخ وقامت تمشي على ورى لنهاية الغرفه<<<توها تستوعب حضرتها
خالد جاها مسكها من كتوفها وكانت تطالعه طويل طويل توصل لنص صدره
خالد:انا ياشوق تزوجتك
شوق:ووو فيصل وش صار له
استوعب ان ذاكرتها رجعت لهاا:فيصل تعبان بالمستشفى بس انا اتكلم عنك انا تزوجتك
شوق : راااسي راسي
وطاحت بين يديه وشالها بخفه للسرير وغطاها وحب جبتها
طلع من الغرفه بعد ماخذ له نص ساعه تقريباا من اول ما طلع كان راكان عند الباب ينتضره
راكان:وينها
خالد:نايمه
راكان:مصدوم :لييه
خالد:نامت عادي
راكان:ليكون
خالد:اتوقع ان لو سويت شي هي حلال علي وزوجتي
نزل راكان معاه ومصدوم بس في خاطره خالد مايسويها
.................................................. ...................
في الليل منور وفهد منسدحين على السرير ومتقابلين ويسولفون كعادتهم
منور بعد سرحان شوي ولحضة صمت:أي صح شلون كلمتني وجيت بعد ساعتين
فهد:هههه كلمتك بتلفون الطياره
منور :احلللللللف طايب ذا غالي وانت سولفت ماقصررت
فهد:مافي شي يغلى علييك واحنا بخير ولله الحمد
منور :تسلم ياقلبي
فهد:امس اول مره اشوف بنت نايف تهبببل
منور :أي ماشالله عليها قمر
فهد:وش طرى يسمونها فرح
منور :مريم هي اللي سمتها تقول لنايف علشان تكون فرح بداية الافراح والسعاده وتفرح عليك دنيااك
فهد:اهاا منطق حلوو و عقبالناا
منور وبانكسار :فهد
التفت فهد لها يطالعه
وكانت مستحيه و مرتبكه بعد مو قادره تقوله:امم فهد انا احس ان فيني شي
فهد وبخوف:سلاماات
منيره:لا مو عن
انتبهت: فهد لا تطالعني ماعرف اتكلم حاول تنشغل
فهد :طيب
قام فهد يطالع السقف وهو يلعب باصابيعه وهو يسمعها لانه يعرف طريقتها ماتعرف تتكلم اذا كان احد يطالعها
منيره:مو عن فهود بس انا ماحملت وبنكمل الثمان شهور
فهد: والموانع
منيره:تركتها
فهد:من متى؟
منيره:يوم الصوره
فهد:اها لامافي الا الخير ان شالله ان مرت سنه رحت انا وانتي كشفنا
منيره:طيب
...........................
عند الصباح نايف طلع مع زوجته للمستتشفى لان حرارة بنتهم عاليه
وعطوهم ادويه وهم في طريق الرجعه
وكان في تقاطع وهم متعدين الاشاره
صرخت مريم:نايف خذ
حطت البنت بين يديه
ولااااااااااا حس بنفسه الا بالمستشفى في غرفه هاديه وبيده مغذي
نزعه من يده وقام يمشي يبي يعرف شصار هو يذكر الصرخه بس
شاف الممرضه اللي كانت تلحقه وتبغاه يرجع
نايف بعيون تعباانه مو قادر يتذكر بالضبط اللي صار:وين زوجتي بنتي؟ وينهم
الممرضه:انت اجلس هنا مافي روح هناا
نايف بصراخ:وين زوجتي حس بشي في وجهه لمسه طلع ملفوف
قام يركض في ممرات المستشفى ويدورهم وينهم والممرضات وراه
شاف من بعيد ناس متجمعين وكانه يعرفهم راح لهم ركض وكان فهد اول من مسكه وضمه وهو يبكي
نايفغ:شصار تكلموا انا مذكر شي بنتي وزوجتي وينهم
قام يشوف الناس اللي حوله
ذي منيره هذي صرختهاا الا هي مرت فهد طلعات من الغرفه وهي تبكي وتصرخ شصاير بالدنياا كان يفكر بعيون هيماانه
هذا ابوه اللي ضمه وهو يبكي بعد اخوه
عمامه محمد منصور نواف راكان خالد شفيهم هناا
الحريم
منيره وصراخها شصاير
نايف :شصااير زوجتي وينهاا
فهد وهو ماسك دمعته بعينه:مريم تعطيك عمرهااا
على هالكلمه توقعوا البكا الصرااخ الانهيار لكن اللي صار العكس تماما
مانزلت على خده ولادمعه
دخل الغرفه اللي طلعت منها منور كانوا الاطباء حولها
شاف احد مغطى بقماش ابيض لمسه بخفه مو مصدق فتحه
كان يحرك فيها :مريم ردي علي
مريم مريم ردي علي ارجوك وين بتروحين وتتركيني مريم انا نايف لاتروحين
وتبدى دموعه على خده:مريم قلبي ردي علي بنتنا مين يربيها انا من لي مريم ردي علي ارجووك مررريم
جات عمته بتدخل مسكها فهد:عمتي تركيه بروحه
العمه:بيموت الرجال بروح الحق علييه
دخلت شافته بهالحال يبكي ويحرك فيها تقطع قلبها وزاد بكاها
نايف:عمتي شفي مريم ماترد علي
طلعت وماقدرت ترد عليه
ماسمعوا الا صياح نايف على جثتها وصوت شهقااته
من اول ماطلع شافه فهد وطار نايف لحضنه وضمه ونايف:تركتني يافهد تركتني انا من لي غيرهاا انا احبها ليه تخون وعدنا
فهد:يانايف على الاقل تركت ذكرى فررح
ومن هنا زاد بكا نايف وضمه اكثر :تقول علشان تكون حياتنا افراح انا وين بشوف الفرح بعدها
وفي لحضة
طاح نايف من ايد فهد
فهد صررخ:وين النيررس
وبسرعة البرق شالوه واسعفووه
وراح نايف انشغل مع اخوه
اما منيره كانت تبكي وتبكي وتبكي
دموعها ماجفت
كيف ماتبكي وهي اختها اللي ترشدها وتفهمها واللي اكثر صديقتها روح منفصله في جسدين
جا فهد لمنيره:منيره تعالي للبنت شوفيها
منيره وبكل قوتها جات لفهد وضمته
قطعت قلبه
قطعت شرايينه من البكى :فهد صديقتي تروح من الدنيا و ومافرحت ببنتها
فهد:يامنيره اصبري لازم نكون عون لنايف بهالوقت
منيره:يافهد صديقتي وقلبي وروحي
فهد:منور اصبري تعالي قلبي شوفي البنت شخبارها
راحت معه للبنت اللي الحمدلله ماجاها شي بس العذاب انها امها ماتت وهي ماكملت الشهر
....
كانت هيا نايمه ونوره تقومها
نوره وهي تبكي :هياا قومي بسررعه
هيا:شصاير
نوره وهي تشهق:هيا قومي
هيا:شفيك تبكين وش صاير
جات نوره ومسكت اختها وقامت تبكي بحراره
هيا بعصبيه:شصااار
نوره وبكلمات متقطعه:مريم.....
هيا:شفيهاا
نوره:مريم..... مرت...نايف (تشهق)
هيا:طيب
نوره:ماتت وتطيح بحضن اختها
هيا بصرااخ:وش تقوليين
نوره:مااتت
حست هيا بان الدنيا تدور فيهاا :نوره راسي احس بختنق
نوره:هياااا لا
مجرد مابللت ماي بوجهها قامت والبنات على هالحال
........
خالد خايف يوصل الخبر لشوق لان ماتصلح لها هالاشيااء
منيره ونايف مازالوا منهارين وتعبانين
قرروا الدفن يكون بعد العصر وبالفعل ماجا العصر الا وهم يصلون عليهاا

وراحوا المقبره
عند البوابه نايف ماقدر يدخل ومنها واللي ماسكه فهد وجهزوا القبر
وتوهم بيحطونها:لااااااااااااااااااااااااااا
التفتوا الرجال
نايف:لاتبعدونها عني لاترمون عليها التراب لالا

وبالموت نايف هدى وتم الدفن
ومريم الان في عداد الاموااات

مرت ايام العزااء وكلها نكد وتعب وضيقة صدر
نايف في عالم ثااني تعبان نفسيا وجناحه مافتحه من يوم الوفاه بنته عند المربيه وعند منور
فهد شايل هم اخووه
شوق درت بالوفااه وبالموت هدأت





¬°•| يالله يا قلبي سرينا .. ضاقت الدنيا علينا !! |•°¬

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وردة الجوري
مــشــرفــه
مــشــرفــه
avatar

انثى عدد الرسائل : 4427
العمر : 27
العمل/الترفيه : طالبه
المزاج : رايقه
نــقــاط الــعــضو: : 50
تاريخ التسجيل : 19/09/2008

مُساهمةموضوع: رد: لو يموت الشوق قصه روعه   الثلاثاء يناير 20, 2009 4:28 am

الجزء الثالث العشرون



مر شهر
نايف في تحسن بس في شي مضيق صدره وعافس عليه دنيته ابووه وهو ماكمل الشهر يطلب منه يتزوج علشان بنته
شوق في تحسن كبير بس متعلقه بخالد برووحه
منور حالتها مستقره بس لازالت حزينه على مريم
...
ابوه:يانايف طع كلام ابوك
نايف بعصبيه:لا يايبه مافي مراعاه للمشاعر على طول توها متوفيه اتزوج لا والله مقدر ادوس على مشاعري علشان بنت عمي
ابوه:ياولدي
نايف:بنت عمي في نصيبها وهيا ربي بيوفقها يبه انتهى الموضوع حرااام علييييييييك
ابوه:انت طع ابوك بس والله بتحتاج للمره في حياتك وللحين ماشفت عيالك
نايف معصب:وفرح مو ماليه عينك يايبه؟
ابوه وببرود:والله ماجاك ولد
نايف وهو يصر على اسنانه:وانا اقول ماراح اتزووج خلاااااص

...
الكلام هنا شي والجهه الثانيه ماسكه نفس الخط
هيا تبكي وابوها يتكلم:يبه مابيه
ابوها:مالك الا ولد عمك
هيا:يبه ولد عمي زوج صديقتي ماقدر
ابوها بقسوه:صديقتك ماتت مالها وجود الحين
هيا وهي تبكي:يبه ماتت بعيونك بس بقلبي وقلبه ماماتت ماقدر يايبه ارحمني
ابوها:هو محتاج لك
هيا:يبه ماله شهر حرااام عليكم تكفى يايببه ابوس رجولك
ابوها وهو يطلع:بتتزوجينه وبرضاك بعد
انهارت هيا تبكي
ابوها طلع وتركها جاتها نوره العربجيه اللي انقلبت حنونه حيل
نوره:هياا
هيا:نوره شفتي كيف اتزوج زوج صديقتي..؟
نوره:هيا ماراح يصير كل ذا لاتحطين ببالك هالشي انا معاك وامي وخالد
هيا :خالد الحين مع شوق ماراح يفكر فيني
....:من قال ياهيا حنا معاك وبصفك
هيا بنضرات تفاؤل:خالد
خالد:أي خالد لا تخافين ياهيا احنا معاك ومو راضين انك تتزوجينه انا وامي ونوره وحتى الوليد هذا الطفل تراه يفهم
هيا:يعني ماراح تغصبوني
خالد بصوت تعبان:لا ياقلبي لا انتي ارتاحي نوره روحي معها للغرفه وسوي لها عصير فرش
نوره:طيب
راحوا الثنتين لفوق اما خالد بيروح لشوق اللي بياخذها علشان تجي معاه هنا
قبل لايطلع:خالد
التفت:هلا يبه
ابوه:ليه ماتجيب زوجتك هنا
خالد:انا رايح اجيبها الحين تامر على شي
ابوه:لا
طلع خالد وكان بعد صلاة المغرب
دخل بيت عمه شاف ام شوق جا وحب راسها:هلا خالتي
امها:هلافيك خالد وينك تاخرت عليها
خالد:وين تاخرت طلعت العصر وهذاني المغرب هنا طيب ها اجهزت
امها :أي بس راحت تجيب شي من غرفتها
خالد وهو ينزل اللفت :بروح لها
وراح لها شافها جالسه على سرير غرفتها بانكسار

فتح الباب:خاالد
خالد بحنان:عيونه
شوق وهي تطالع بالغرفه:مابي اطلع من هناا
خالد:شوقي ابيك تجين معاي ونجلس ببيتنا
شوق:يعني انا الحين بروح معك
خالد وهو يقرب من السرير:أي بتروحين معي وين عباتك
التفتت شافها مرميه على السرير جابها ولبسها ايااه

شوق كانت تحتاج لعنايه خاصه وبرنامج نفسي خالد يمشي عليه معاها
الرجال ماتقدر تطالعهم حتى ابوها واخوها يجيها مثل حالات الصرع تفكر تفكير طفولي وبراءه الى الان اللي تثق فيه بس خالد
امها ابوها اخوها هوااااااااا صاروا طول يومه صار يجي ويروح عليها تعب مره الى ان قرر انها تجي معاه احسن علشان حتى هو يرتاح نفسيا وينام معها
.................................................. ..................
في هاليوم منور قدرت تحط مكيااج مو لها علشان فهد الطفشان من كل شي زهق وتعب وتحس انه تعبان نفسيا فحبت تغير عليه الجو من بعد وفاة المرحومه وحطت لها مكياج خفيف وعندها مفجاه له

وفجأه وفي وقت غير متوقع دخل فهد الجناح وهو تعبان حيل مو جسديا نفسياا واضح انه ماينام الليل
جلس على الكنب وهو مايدري وش يسوي مشكلته انه يشيل هموم الناس معاه
خالد وتعبه مع شوق
اخوه وحالته النفسيه واخوه نفس الشي وقرار ابوه انه يزوجه
صديقه وخسارته بالاسهم اللي طيحته وعايلته
حس بتعب نفسي رمي شماغه على الكنب وفتح ازارير ثوبه الفوقيه وقام يتنفس بعمق
في هاللحضه دخلت منور وهي مسويه نيو لك له علشان بس مايململ
جلست على الطاوله اللي قدامه الى ان انتبه لنفسك، لما شافها ابتسم
بس
منور بحنان بالغ:فهودي تكلم؟
فهد بتعب:والله وش اقول وش اخلي انا تعباان ياقلبي تعبااان حيل
منور :فهود ممكن تنسى هالاشياء كلها بس هالليله وطول العمر لاتشيل هموم النااس فهود علشان خاطري ابتسم اضحك ابيك فهد ايام الخطوبه والملكه وفهد اللي قبل شهر او شهرين
ابتسم فهد:هذي الابتسامه علشان خاطرك وبعدين وش هاللبس الحلوو والشكل الجديد من زمان ماحطيتي مكياج
منور :تسلم
كانت لابسه تنوره جينز لنص الفخذ وكسراات تهبل وبودي ابيض خيوط فتحته سبعه وااسعه حيل ولابسه نعال خفيفه للبيت طالع شكلها طفولي وبرئ
منور:طيب ممكن تقوم معي
فهد:وهو يطالع فيها:وين؟
منور:الصاله؟
سحبته من يده وقبل لايوصلون غمض عيونك
غمضها ودخلته على الغرفه اللي رايقه
كلها شموع وورد جوري احمر وكيكه على الحرفين ام و اف وكانت موسيقه رومانسيه هاديه ضبطت الوضع
فهد:مشكوره مناير قلبي
منور وهي تجلس ويجلس هو:لا عادي انا ماسويت شي لك
فهد:منو انتي تحملتيني كثير
منور:قلت لك عادي ياقلبي امممم بقولك شي
فهد:سمي
منور :انا حااامل
فهد وبفررحه:احللللللفي ومن الفرحه طب عليهاااا وباسها
منور منحرجه:فهد خلاص انقلبت الوان
فهد:اموت على اللي يستحوون اموت بترابهم
منور تحس بضغط فهد وهو طاب عليها:فهود بطني البيبي
فهد:لالا لا لا اسسسف وهذي بوسه له
وجلسوافي هالليله يسترجعون ذكرياتهم ويضحكون ونسوا كل شي من حولهم

بعد اسبوع
كانت هيا تبكي كعادتها لما يتكلم ابوها معاها بالموضوع ونوره متعاطفه مع اختها واللي الله يعين كيف بنجح هالسنه مع هالمصايب
خالد ساكت بس مو راضي بالوضع اللي يصير وبجنبة روحه شوق
المكان هادي ماعدا شهقات هياا
ابوها:اسمعيني يابنتي انا ابوك ولا ابي الا مصلحتك
هيا وبصوت كله بكى :أي مصلحه تتكلم عنها مصلحتي انا اعرف لها
ابوها:انتي اسمعيني بتتزوجينه وانت راضيه فاهمه
هيا :لااااا وقامت تبكي بحضن اختها
امها:البنت مو بنتك بروحك يابو خالد
ابوها:بنتنا ثنتينا بسي انا ابي مصلحتها ومصلحتها وسعادتها مع ولد عمها
تكلم خالد:يبه نايف والله ينشرى بس هي ماترتاح له وثانيا زوجته توها متوفيه وهو يحبهاا بالله عليك تخيل الوضع
ابوه:وبنته تحتاج من يربيها وهيا تصلح
شوق كانت بجنب خالد ولاصقه فيه من الخووف وبصوت خفيف:خالد
التفت:عيونه
شوق:بروح فوق تعال معي
خالد يقول لابوه:نرجع للموضوع بعدين
وقام مع زوحته وراحوا فوووق
.................................................. .........
فهد من درى ان منور حامل وهو يضحك ومستاانس بالحييييييييل ماغير يطلعها ويمشيها ولاطايح بحركه كل يوم صباح جوريه(ورده حمرا) مع بطاقه فيها (احبك)
....
اما نايف:
يعيش عالمه الخاااص
مابين حزنه على زوجته
واصرار ابوه وبنته
وحالته حااله تجيه حالات يبكي مثل الطفل عند مخدتهاا

منصور كنسل عرسه اللي وين يسوونه بهالضروف ومتضايق على عيال عمه وحالتهم (خالد ونايف) بس بقى يقول لرنا
رنا وهي بالسياره:منصوري
منصور بعد سرحاان :هلا
رنا:متى بوصل بيتناا
منصور:ابتسم :: الحين يعني خايفه مني..؟
رنا:لااا بس ؟
منصور:ههههههههههههههه لحضه تو الناس الحين تسع
رنا:بس امي يتزعل علي تاخرت وطلال ان درى اني طلعت معاك بيتمسخر فيني
منصور:هههههههههه طلال ماعليك منه انا اتصرف معه وو خالتي اكلمها الحين
رنا مستحيه:منصوررر
منصور:عيون منصور اللي متكحله بشوفتك
رنا:تسلم بس البيت ارجووك
منصور :طيب بس لازم اتناقش معك بموضوع قبل
رنا:طيب ايش
منصور :اول شي نشوف لنا مكان هادي نتكلم فيه
رنا:طيب
راحوا لفندق من الفناق الكبيره بالرياض
منصور:يالله ننزل
رنا تطالع في الفندق وهي خايفه:ذا فندق
في خاطرها شناوي عليه ذااا
منصور:أي فندق
رنا وهي ترجع للسياره:لالالا اسمح لي تعال تكلم بالسياره
منصور وهو ميت من الضحك عليها:ههههههههه هنا كوفي نبي نجلس فيه
وبالفعل انزلت وكان بوسط الفندق كوفي رايق وقال لها ان كانت تبي تعويض عن العرس عطاها بس الاوضاع عند اهله ماتصلح لعرس وفهمها وهي وافقته واتفقوا انه يجي ياخذها كذا بدون عررس
وهي كلمت اهلها ورضوا تعاطفا معهم ولا هم ودهم يكون عرسها اكبر عرس بالرياض
.................................................. ...........................
مع مرور الايااام وبالضبط شهر<<<<<لاحضتوا ان بس اطيير بالقصه
ههههههه تعبت من الكتاابه


بعد شهر
دخل خالد غرفته والغريبه انه ماشاف شوق سمع بالحمام صوت بكااا ء
خالد:شووق شوووق
وماترد وواضح انها وشاده على نفسها
خاف عليهاا من كل قلبه ويطق الباب ماترد الى قرر يفتحه
وبالفعل فتحه شافها جالسه على ارضيه وماسكه مشررط تبي تفتحه
خالد هنا ماستحمل وشالهاا من بلوزتها وطلع من الحماام رفعها وعطاها كف على وجهها
جفت الدموع بسرعه بالغه وسكرت عينها


• من تحبه عنك مايقوى البعاد ××× لو يهاجر شوف باكر لك يعود •






_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وردة الجوري
مــشــرفــه
مــشــرفــه
avatar

انثى عدد الرسائل : 4427
العمر : 27
العمل/الترفيه : طالبه
المزاج : رايقه
نــقــاط الــعــضو: : 50
تاريخ التسجيل : 19/09/2008

مُساهمةموضوع: رد: لو يموت الشوق قصه روعه   الثلاثاء يناير 20, 2009 4:29 am

الجزء الرابع والعشرون

وماقبل الاخيـــر

فتحتها وكانها اول مره تشوفه:خالد
خالد وهو يبكي ويضمها:وش كنتي بتسوين حرااام عليييييييك انا خالد انا نصففك الثاني ان متي بموت وراك
شوق:خااالد انا تعبانه رااااسي
خالد وهو يمشي معها الى السرير :تعالي نامي ناامي بقلبي وبقربي ومن غير مايحس نامت وراسها بحضنه
رحمها لانها مسكينه
له ثلاث شهور متزوجهاا وهي في تحسن بس مو كبير كانت تعبانه حيل
طفى النور وشغل الابجوره وتركها ناايمه ونزل لامه وابوه يتعشى
وهو يجلس على الطاوله ولافي الا امه وابوه
خالد:البنات وين
امه:نايمات هيا وراها كليه ونوره وراها مدرسه
خالد:الوليد
امه:نام بعد تعشوا مبكر
خالد:اها
ابوه:وين زوجتك
خالد:بعد نايمه
ابوه:ماتعشت
خالد:ماتاكل هي اصلاا
ابوه:هاا عسى ان شالله في شي بالطريق
خالد وهو يترك الملعقه:ماتوقع انها بحاله صحيه ونفسه حلوه علشان نبدى بهالشي
ابوه:يعني انت
قطعه:أي ماقربتها ولابقربها الا لما تتحسن نفسيتهااا وتعبهااا
قام من الاكل وهو متضايق هو حول نفسه وزوجته التعبانه يجيه ابوه ويستفزه ليييه؟
طلع من البيت مافي الا فهد
دق عليه
خالد بصوت واحد طفشان وتعبان وشكله ببيع الدنيا بريال :سلام
فهد مروق:اووف وعليكم شفيييك
خالد:يعني شفيني تعبان وراسي يالمني واحس بمووت
فهد رق حاله:طيب اشوفك متى
خالد:لاشكرا ما بي اشوفك
فهد عرف ان خالد مو بس تعبان الا منهاار:طيب براحتك بس ارتاح انت
خالد:بكره يمكن اسافر
فهد بسرعه:وين
خالد:مدري باخذ زوجتي وبروح المطار أي طياره بتطير وفيها مقاعد برووح
فهد:والشغل
خالد:في ابليس لي اسبوع ماداومت
فهد:الله يحفظك تامر على شي
خالد:لاسلامتك
سكر خالد وكالعاده راح لمكانه المعتاد قداام البحر
....
فهد كان بالبحر مع منور يتمشوون
منور متضايقه:شفيه خالد
فهد:اااه خالد تعبان نفسياا
منور:الله يساعده
فهد:امين على قولته بكره بيسافر مع أي طياره طفشاان حتى نفسه
منور :الله يعينه خالد هالايام من كلام اخته صاير غير
فهد:أي خالد غير تغير عن اول مزااجي وحنانه على زوجته واخته اللي بتنغصب على اخوي ..... نحفان تعبان طفشان مريض كل شي فيه
منور:ياقلبي هو مايستاهل
فهد انتبه:هااا ايش قلبك؟؟
منور:ههههههه لاتدقق كذا كلامي
فهد:هه امزززح (يتثاوب)منور قومي نروح البيت ابي اناام
منور بضيقه:طيب براحتك
فهد يتثاوب مره ثانيه:يالله
وراحوا للسيارتهم ال bmw السودا وعلى طول لبيتهم
.................................................. .................
خالد راح مع شوق للبنان وكانت الطياره بعد نص ساعه<<صدفه
منصور اليوم بياخذ رنا
وفيصل بيرسلونه بريطانيا للعلاج بس تنتهي الاجراءات


على الساعه اربع العصر منور نزلت تشوف فرح



وتلعب معا جاها العم عبدالرحمن وجلسوا يتقهون مع بعض ويسولفون وفروحه بحضن منور وتلعب معها
فهد كان رايح للشغل وبيجي بعد ساعة وهي طفشانه
دقت على بنات خوالها يجونها بدال هالطفش

هيا من الطفش جات ولا ماكان ودها تجي
فهد اللي من اول ماجى نام ولما جا العشا طلع
اما هي جلست مع البنات
ولاول مره من بعد وفاة مريم يفلونها زي كذاا
..........................
دخلت الجناح مبسوطه
خالد:استانستي.
شوق:حيل مشكور خالد
خالد فرح من كل قلبه:العفووو
شوق:اممم بتنااام
خالد وهو تعبان:أي بنام
شوق بترجي:لاتناام مافيني النوم اجلس معي
خالد وماقدر عليها:خلااص انت بس امررري وانا انفذ
شوق تطالعه بخدود حمر ذاب عليها خالد
دخلت الحمام وغيرت ملابسها والبست بجامه بيت وغسلت وجهها وجسمها وطلعت
دخل خالد بعدها وخذ له شاور ولبس وطلع
شافها نايمه
ضحك من كل قلبه هههههههههههههههههه
تقوله مافيني النوم ونامت
راح لمكانه من السرير وتمدد وهو يطالع السقف ويفكر
شوق اليوم صايره غير وطبيعيه معقوله اللي تبيه بس تغيرر جو وتغيير الناس اللي حولها
التفت لها نايمه بكل براءه غطاها زين ورجع لتفكيره
اليوم اللي سواه روعه تمشوا باسواق لبنان وراحوا لكافي رايق
وبكره خطط انه يروحون للمغاره(مغارة تجنن بلبنااان هبال انا استخفيت عليها<<<قلت لابوي ابي اسكن هنا هههههههههه)
ونام وهو تفكيره فيهااا
.....................................
منصور يقفل باب الجنااح ورنا بفستانها الابيض اللي فصلته وطلع عليها غالي بس لبسته لان في بيت اهلها سو حفله صغيره ومحد حضرها غير اخواتها وعيالهم ومنصور بروحه وطبعا اخته غصون اما اهله كلهم بالشرقيه
ومن اول مالتفت شافها تبكي على السرير والورد طايح على الارض جاها :رنوو شفيك
رنا تزيد بكي كانت مقهوره انزفت له بدون عررس بس ماقالت شي
منصور وهي مقطعه قلبه:رنوو حبيبتي شفيك
خلع بشته ورماها على السرير ونزل لها بمكانها وهو فاهمها:تبين عرس صح؟
ماردت عليييه
منصور:واللله ثم واللله لاعضوك بدال العرس باللي تتمنينه وبعد السفر اذا هدات الاوضااع بسوي لك حفله كبيره
رنا:وهي تمسح دموعها :مالا داعي
منصور :رنووو امسحي دموعك والله غاليه علي
رنا تمسحها بضاهر كفها مثل الطفله وتبتسم:خلااص
ابتسم لها منصور ومسكها من ايدها ورفعها وهو يطالع فيها:ادري فيك زعلانه
ابتسمت :مازعل عليك
منصور:اجل ابتمسي
ابتسمت وهو يطالعها بحناان بس بيعوضها بحفله وماراح يسويها بالسعوديه بيسويها ببريطانياا...!
علشان ماتحس انها اقل البنات وهي ارفعهم واغناهم واعزهم

................................
منور بالرابع وبطنها كبر
نايف وهيا مصرين على قراراهم<<<ماراح يتزوجون
شوق تحسنت كثثثثير وصارت عادي بس اخوها ماتتحمل تشوفه وفيصل مايصلح لها طاريه
رنا ومنصور سافروا للنمسا وسويسرا ورنا طنشت بالدنيا والكليه ورى ضهرهاا لين غابت وفصلوها ههههههههههههههههههههههههه

الاجازه جات
والبنات نسبتهم مابين 90 وال95
والله زين منهم مع هاللي صار

شوق كانت مع خالد بمارينا يتعشون من باستاا
خالد يفكر
لي خمس شهور متزوجهاا ولاقدرت اقرب منهاا بس ابتسم لان قريب بيصير هالشي
تعشوا وطلعوا يتمشون
مروا على محل ملابس اطفال صغيراات
وقف شوق بدون شعور وتطالع فيهم ومرت وحده وماسكه ولدها قامت تطالع بحنااان وهي تفكر انا تزوجت بس ليه ماعندي اطفال او اني حاامل
حست بغريزة الامومه وصارت تتمنى انها تمسك ولدها بيدها وتلاعبه
التفتت شافت خالد اللي كان يطالعها بس فهمها وحس باللي في قلبها وعقلها
مشوا ومشوا
شوق:خاالد
خالد:عيونه
ابتسمت شوق:ابي اروح لدورة المياه
خالد:اوكيه انتي روحي لدورة المياه وانا بروح لمحل الجولات هذا اوكيه
شوق:طيب
راحت وخالد رح في شغله في اقل من عشر دقايق التقوا مره ثانيه
شوق:ملاحضه:شريت جوال
خالد يطالع بالكياس:أي شريت
شوق سكتت بعد فتره:طيب معلية نروح البيت
خالد:ههههه ليه معليه انتي امري بس
راحوا للبيت وشوق على طول خذت لها شاور السوق وزحمه والحاله حاله وطلعت شافت خالد فاتح الاكيااس وعارض اللي فيهم على السرير
انصدمت شوي
خالد:شرايك فيهم
شوق تتلمس الملابس ببنعومه:حلووين
سكتت
شوق:لمين هالملابس
خاللد:لعيالنا
فز قلبها وحست بالخوف قامت تناضر فيه مثل البلهااء:هااا
ابتسم خالد :ليه ماتبين عيال يحبونك وتحبينهم ترضعينهم وتلعبينهم وتسهرين لهم ماتبين عيال يساعدونك لاكبرتي ويحطونك فوق راسهم
شوق بحيا:الا بس شلون
ابتسم خالد بخبث:انا اعلمك شلووون؟؟
.................................................. ........
اياام مررت واحداث روتينيه
اصرار ورفض وعناد>>>نايف وهيا
وناسه وفله وساعة صدر<<<<منور وفهد
حب وعاطفه وحنان<<<خالد وشوق
والبنات على حالهم ووناستهم
بو راكان تطمن على بنته مع خالد بس خايف على ولده لان شوق رافضه تشوفه وهو شايل هالذنب براسه
ابو محمد وام فيصل يارايحين ياجايين على بريطانيا علشان علاج فيصل وحاقدين على شوق بقوووه
ناصر كارف عمره يدرس سنه كامله وياخذ صيفي يعني نادر مايشوفونه

العمه منى مستانسه لولدها اللي رجع من السفر وقريب وولادة غصون اللي جابت ولد وسمته عبدالعزيز

العمه مها متحمسه لولادة منور مع انها في السادس خخخخخخخخخ

العم عبدالرحمن طبعا ساكن مه ولده ومازال يصر على نايف ونايف معاند

.................................................. ...
في امريكا كانت شوق تقرى روايه اجنبيه وخالد بالصاله ينقال له يذاكر لانه يدرس الدكتوراه
دخل على شوق الغرفه التفتت:ذااكرررت
خالد:أي
شوق وتطالع بعيونه:كذااااااااااااااااااب ماذاكرت
خالد:ههههههههههههه كشفتيني طفشان تبين نطلع
شوق:لالا ذاكر اول بعدين نطلع
خالد:مو مشتهي
شوق بنضراات تذوبه:علشاان خاطررري
خالد وهو يرجع للصاله:خلاص خلاص بذاكر
طلع وسكر الباب وراه
ضحكت بصوت خفيف عليييه
فتح الباب:وتضحكيبن بعد
شوق:ههههههههههههههههه يالله بسمع لك ذاكر
خالد:حاضر ابله شوق
وراح للصاله اما هي كملت روايتها





_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وردة الجوري
مــشــرفــه
مــشــرفــه
avatar

انثى عدد الرسائل : 4427
العمر : 27
العمل/الترفيه : طالبه
المزاج : رايقه
نــقــاط الــعــضو: : 50
تاريخ التسجيل : 19/09/2008

مُساهمةموضوع: رد: لو يموت الشوق قصه روعه   الثلاثاء يناير 20, 2009 4:36 am

الرحيل قدر .... والدموع عزاء ..... والذكريات ونيس


الجزء الخامس والعشرون
والاخــــير













اما بالسعوديه تفاجأه ببطاقات الحفله اللي بيسويها منصور لرنااا
البطاقه معها تذكره لبريطانياا
اللي بيسويه لها منصور حفله اسطوريه ماعمرها تمنت مثلها
الكل وصل مطار هيثروا وراحوا للفندق وبعدها تجهزوا للحفله اللي كانت اسطوره
الجو بحرري لدرجة ان الجداراان هي نفسها احواااض سمك ملونه
العروس اطلعت من صدفه كبيررره وركبت مثل القارب اللي وصلها لمكن كرسيهااا
الجو البحري روق الكل وفتح مزاجه
رنا عمرها ماتمنت مثل هالحفله اللي صارت احلى من عررس
وخسر عليها منصور مبلع وقدره
لان التذاكر لبريطانياا لاهله واهل كلهم مع الصاله ذي وهالاشياااء شي مو سهل هذا غير حجز الفندق



في نفس اليوم رجعوا شوق وخالد لامريكا لانه ماعتذر الا ليوم وبس ويمكن بفوته شي ولاتسون ان خالد متفوق وحريص حيل
اما الباقي بما انهم باجاازه قرروا انهم يجلسون



رنا تدخل جناحهم يوم الحفله:مشكور منصوووري
منصور يبتسم:العفوو عسى استانستي؟؟
رنا وشوي تبكي وتطالع فيه:احس اني ماستاهلك انت اللي سويته لي اكبر من قدري
منصور : ايش هالكلام يارنووو ربي خلقنا علشان نكون لبعض
رنا:الله يعافيك وماتقصر وهذا هديه بسيطه مني وعطته علبه صغيره
بداخلها خاتم بالوسط حجز الفيروز الازرق على شكل مربع وعلى الجانبين صفين من الالمااس يعني الخاتم شكله مستطيل ورررزه
منصور بابتسامه:كلفتي على عمرك
رنا منحلاجه:لالا سامحني ودي اكبر بس بسرعه شريت هذاا
منصور:الله يخليك لي
رنا:ويخليك لي



في امريكا فترة اختبارات لخالد
وشوق تجلس دايم مع ايمان زوجة احمد
ايمان :الله يسهل عليهم اكيد الحين يختبرون
شوق:أي والله ههههههههههه يضحك شكلهم شكبرهم يحلون ورقه
ايمان:ههههههههههههههههه يقطع شرررك اسمعي شكل بنتي قامت بروح اشوفها
شوق :طيب خذي راحتك انتي ببيتكم
راحت ايمان تشوف بنتها اللي تو الدتها مالها شهر سمتها البندري

ورجعت شافت شوق مثل الدايخه على الكنبه
ايمان بخوف:شوق شوق
شوق بتعب ودايخه:هاا
ايمان:شفييك
شوق:احس دايخه وفجاه تعبت
ايمان:قومي المستشفى
شوق ماردت عليها لانها تعبانه
راحت ايمان للمربيه وعطتها بنتها وراحت مع شوق للمستشفى اللي تبين انهاا حاااااااااااااااااااااااااااااااااااااااامل
وعطوها مغذي لان بنيتها ضعيفه وادويه فيتاميناات وطلعت وهي مصحصحه ومستانسه عند بوابة الشقق سلمت شوق على ايمان:مشكوره امونه ماتقصرين
ايمان بابتسامه :العفووو

وكل وحده راحت لشقتها
شوق من فتحت باب الشقه الا تسندت على البااب وهي تتنفس بعمق وخافت ان خالد يجي تبيه مفاجاه
حست بصوت باب ينفتح الا خالد بنطلون جينز ازرق على بيج وبلوزه برتقاليه كم وحاط ايده بجيبه ويطالع فيها هي خافت وقامت تطالعه بخووف
شاف الخوف بعيونها بس حب يعلمها درس لانه جاي من زمان وخايف عليهاا:ويينك؟
شوق خايفه:هااا كنت مع ايمان
خالد معصب:لاتكذبين ايمان معاك طالعه زوجها ينتضرهااا
طاح قلبها ببطنها اول مره تشوفه معصب
بس في الحقيقه كان خالد يتضاهر العصبيه:وين رايحه؟؟
شوق:السوبر ماركت (تضيع السالفه)أي وش تبغى غدى
خالد:وين رايحه كنتي
طالعته توها بتنزل دمعهتاا ابتسمت؟؟1
خالد:مستغرب:ليه الابتساامه
شوق:حلو شكلك وانت معصب وبدون مقدمات ضمته
طبعا هو ماقدر فيها ونسى كل شي
.................................................. ...............
في بريطانيا وبالتحديد لندن
كانوا البنات يتمشون باحد الاسواق والشباب كالعاده بكافي
دانه:تعبت
نوره:يالعجووووز
نجود:عجوزه انتي؟؟
دانه:بجد تعبت مابقى مكان مارحتوه
نجود:اقول مالت عليك بس روحي اجلسي انا بروح اكمل شوي
نوره:جد روحي اجلسي
دانه:اخااااف بروحي
نوره:اجل كملي معناا
نوره وهي تطالع :مو كأنهم منور وفهد
نجود:ويين؟
نوره:شوفي هناك
نجود:الاا هالدبب
دانه :انا تعبت ابي اجلس او ارجع البيت وين نواف وهالخمه
نوره:ههههه عجبتني خمه
منور وفهد شافوا البنات:سلااااااااااااااام
البنات :وعليكم السلام
دانه:منور شفتي شي حلوو
فهد يرد لقافه:هذاك المحل فيه اشياء حلوه
البنات قاموا يطالعونه ببلاهه :هااا خير
فهد وهو يضحك:والللله فيه اشياء حلوه بس منور ماشرت شي
ومنور تقرص في فهد منحرجه
البنات حسوا باشكالهم :طيب بنروح نشوف ذوقك
منور ووجهها احمر:اوكي بيننا الو
من اول مارحوا البنات التففت لفهد:حرااااااام عليك تفشلني كذاا
فهد:ههههههههههههههههههههههههه تستاهلين علشان يعلمونك السنع
اما البنات من شافوا المحل ماتوا من الضحك لانه ملابس بيت ونوم وداخليه
نوره:ههههههه والله مو سهل فهد
نجود::ههههههههه احس منور بتكفخه الحيين0
دانه:وانا اقول تعبت
نوره:ضفي وجهك بس احنا بنجلس ندور اذا تبين تروحين روحي هذا المقهى وبتشوفين الشباب وعيال عمي
دانه بتعب:طيب
تركتهم وراحت للكافي من بوابته اللي شافتهم كلهم عرب واجانب وخليجيين يعني المكان مخلوط رجال ونسااء
توها بتدخل :او سوري
... نو بروبلم
حست من صوته انه عربي
دانه وهي ترفع راسها بتدخل:ثانكس
ومن اول ماشافته:نااااااااااااااااااااااااااااااااصر
انحرج ناصر :أي هلاا من؟؟
دانه:اقول مالت عليك انا دندونه بنت عمتك يالماااصخ
حس بنبضات قلبه تزيد:داانه بنت عمتي مها
دانه:أي يالدب وين اخووي
ناصر استغل الفرصه:راح للفندق تبين شي؟
دانه:تعبانه ابي ارجع البيت
ناصر:اوكي انا الحين راجع تبين اوصلك
دانه انحرجت ماتعودت عليه لو راكان ولا احد ثاني عادي:لالا مشكور
ناصر وهو يطالع ملامح وجهها البريئه:لا عادي مو ولد خالك انااا ولا ماتوثقين؟؟
دانه:الا شدعوه خلاص وصلني
مشى قدامها ومشت ورااه وهي تفكر وش فيه متغير او مستحلي لها الدرجه العسكريه مرجلته
تذكرت هواشه مع شوق والبناات وضحكت جد كان تفكيرهم سطحي
ناصر :هذا تاكسي
ركبت ورى وكلا على بالها انه بيركب قداام الا ولد امه ركب ورى وباعصاب مشدود تقول للتاكسي:ستوب
السواق:واي؟
ناصر:شفيك
دانه:رح قدام بليز لاتجلس جنبي ؟
رفع حاجب :اوكي طيب
نزل وراح قدام والسواق متعجب من حالهم
ناصر يحاول يجيب سالفه:أي ليه ماتتغطين هنا؟
دانه:والله حنا ببريطانيا واشوف الوضع عادي
ناصر:اهاا يعني بريطانيا لاعبايات ولا براقع
دانه:احنا مانلبس الا طويل وساتر وحجابات وثانيا لاتتكلم لانك قاهرني
ناصر مستمتع باللعبه:ليه قاهرررك
دانه:اقول تلايط
ناصر ويلتفت:اوف اوف اوف قويه الكلمه
وصلت السياره الفندق قبل لاترد ونزلت بدون ماتسكر الباب لانها مقهوره من حركته
وهو في باااله واخيرا شفتك يامن ملكتي روحي
يمكن هذا اول موقف نجيبه لهم بالقصه
ناصر يحب دانه بس هي تعتبره اخوهااا
ومع حبه لها يكااابر ولايبين شي ولايطري اسمها بعد...!
.................................................. .........................
في السعوديه
كان العم عبدالرحمن مسوي عزيمه كبيره لترقية فهد وصار المدير العام على شركة السيارات اللي يملكها عادل
منور مشتطه وحامل بالتاااسع
وشوق جات السعوديه مع خالد وللحين اللي مالاحضه خالد انها سمنانه لانها دايم تلبس باف علشان مايلاحظ
الكل جا في العزييمه رنا ومنصور وخالد وشوق وغصون واهل زوجها بعد والعمات والشياب كلهم مع عيالعم ومحمد وندى واهلهااا
عند العشاااء منور كانت مو مشتهيه ريحة الاكل وطالعه عند البركه تشم هوى وبطنها يالمها تحس شوي وبتولد
شوق كانت معها تكلم جووواااال عند البركه والرجال يتعشون بالخيمه اللي تطل على البركه بس كانت الستاير منزله
منور تاشر لشوق متى تخلصين؟؟
شوق تاشر:شوي شوي
وتكمل شوق االسوالف مه ساره صديقتهااا
على ماتجي شوق وتجلس نادت منور الخدم يجيبون عصاير لهم وهي تاخذ العصير سمعت صررررررخه وصوت الماي
الفتت اللي شافته ان شوق طاحت بالماي والجهه العميقه
منور :شووووووووووووووووووووووووووووووووق
كان خالد وفهد مخلصين من العشاا وطالعين يتغسلون
خالد اللي اسمعه الاسم
راح ومن غير لايحس بوجود منيره:شووق شفيها
تاشر منور على البركه وماسكه بطنها من الالم
اللي سواه خالد طب وراهااااااااااااااا بملابسه وطلعهاا
وجه ازرق انفها يطلع منه دم ومن غير احسااس
اخذها بحضنه وقام يهز فيها ماتحس
سدحها على الارض وقام يضغط على بطنها علشان يطلع المااي وبالفعل كان الماي ماليهااا
خالد ودموعه على خده:شوق شوووق
ويضغط الى ان تاكد ان كل الماي طلع
حطها بحضنه وقام يهزها :شوق شوووق شوق ردي علي
لا استجاااااااااااااااااااااااااااااااااااااااااااااا ااااااااااااااااااااااااابه
صررررخ والدموع ماليه وجهه:شوووووووووووووووووووووووووووق
طلعوا الحريم والرجال على هالموقف
منور راحت لفهد علشان يجهزون السيااره والحريم يصحون فيها والرجال يهدون بخالد اللي انجن
خالد كان يهزها ويحركها ماتستجيب له ابد
خالد:شوقي شوقي ردي علللي ارجوووك
وبهدوووووووووووووووء افتحت عيونها:خالد
خالد والفرحه موسايعته:شوووق
بصوت هادي:احس بشي بارد تحتي واغمى عليها مره ثانيه
عطى خالد نضره للارض وتفاجاه بالدم اللي مغطي المكاان
جا فهد:خالد بسرعه المستشفى
وشالها خالد بيدينه المتلوثه بدمها وثوبه الملطخ به وبالسيااره طاروا لاقرب مستشفى>>>حسافه جلد السياره بربري<<<هذا اللي همها

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وردة الجوري
مــشــرفــه
مــشــرفــه
avatar

انثى عدد الرسائل : 4427
العمر : 27
العمل/الترفيه : طالبه
المزاج : رايقه
نــقــاط الــعــضو: : 50
تاريخ التسجيل : 19/09/2008

مُساهمةموضوع: رد: لو يموت الشوق قصه روعه   الثلاثاء يناير 20, 2009 4:38 am

تمر ساعات الانتضار وفهد مع خالد يواسيييه
فهد:خلاص ربي بيعوضكم
خالد بانفعال:ربي بيعوضني بس(والدموع بعينه)تخيل لو كنت السبب بموت الجنين وش بتسووووي
فهد:ياخالد ربي بيعوضك
خالد بعصبيه:لاتجلس تتكلم لي هالكلااام لو منور ماحملت بالاساااس وش بتسووووي
سكت فهد ولاتكلم
بعد دقايق:طيب انت عارف انها ماراح تصحى الحين رح غير ملابسك ونام لك شوي وتعال
خالد:تبي تروح رح انا بقعد هناا
فهد:طيب ملابسك شفهااا
خالد:مالي شغل
راح فهد وفي نيته يجيب لخالد لو ثوب من ثيابه بس على الاقل مايصير كذااا
منور كانت بالبيت تحاتي وخايفه والكل معاها وتحس ببطنها وحالتها حاااله وتبكي وغير ان فهد قال لها بيجي من نص ساعه ولاجااا لها الدرجه زحمه؟؟1
منور وهي تجلس على الصوفااا وبصعوبه:مو قادره اتنفس
الكل التفت لهاااا وعطوها تنفس صناعي الى ان تحسنت شوووي
منور وهي تعبانه:وين فهد؟؟؟
ومع كلمتها جا اتصال من جوال فهد لمنووور:هلا فهد وييينك
......:السلام عليكم
استغرب ورمت الجوال على امهاااا:السلام عليكم
......:وعليكم السلام لو سمحتوا انتوا قريب فهد بن عبدالرحمن الـ....
ام نواف:أي سلامااات
....:صار له حادث وهو الحين بمستشفى .......... وتعبان وتعالوا لحقوا عليييه
اللي اسمعوه هو صوت الجوال وهو يطيح على الاررررض
منور بخوووف:وش فيييه
ام نوااف:وين نواف
راحوا البنااات للمجلس ينادون واحد من الرجااال
دانه:نوااف منصور أي احد
طلع ناصر:شصاااير
دانه وحالتها حاااله:فهد في المستشفى تعببان صار له حادث
ناصر:هاا شتقولين انتي
دانه وهي تبكي وتشهق:رح للحريم
ومشى وباقصى سرعه راحوا للمستشفى وبالصدفه طلع نفس المستشفى
فهد اللي صار له انه تكسر
رجله اليمنى ويده اليسرررى
غير الجروح اللي واحد بخده وواحد بسااااقه اللي خيطوه بـ53 غرزه من كبرره وضاع دمه فييه
الدكتور:محتاجين دم
منور وبصيااح:اناا اناا
الدكتور يطالع فيها:دا انتي حامل مايصلحش
منور:تكفى يادكتور انا بفديه بروووحي(تذكرون النك وش هي مسميتخ (فديته بروحي)اللي صار انها تبادلوا دم بعض )
الدكتور:زوجك وعلى عيني وراسي بس انتي جامل دا الوأتي ومقدرش
منور وشوي بتحب الدكتوور:الله يعافيك
اهلها:يابنت مايصلح انتي حاامل
منور وتشهق:اناا .. افديه بر وحي... ارجوكم... خلوه ياخذ .... دمي
بالموت اقتنع الدكتوور واخذوا شي من دمها وعطوه لفهد
منور تعبانه بالموت تشيل نفسها وتبي تشوف فهد اهلها متوزعين بينهم وبين خالد كانت تمشي وهي متسنده بالجدار من التعب
شافت الغرفه اللي فيها فهد دخلتهاا :فههد
فهد كان مبنج ومو صاااحي وماحس فيهااا
حطت راسها على سريره واستسلمت للنوم
...
عند الصبااااح
منور تولد بغرفة الولاده
فهد ينتضرهااا بالكرسي المتحرك عند البوابه

عند غرفة شوق كان خالد حاط راسه على السرير ونااايم
من اول ماقامت وهي تلعب بشعررره الى ان قاااام
خالد:اناا
شوق طالعته:اوووووش
خالد:ياشوق انا
شوق:اذا انت معاي طول عمري ربي بيعوضناا
اطمئن من كل قلبه بس يحس بشعور غير
خالد:طيب انتي شخبارك؟
شوق:الحمدلللله
خالد:انا ماكنت ادري انك حامــ
قطعته وهي تلعب بشرعه:اووووش ناام انت مانمت ربي بيعوضنا
خالد وهو يطالع فيها:االله لايحرمني منك ياغلاتي
شوق:ولا منك
بعد دقايق جات امها وابوهااا ونوره وهيا وجلسوا عندهااا
تركي:ياخالد رح البيت ارتاح وتعال هذا احنا عندها لاتشيل هم
خالد بتعب واصرار:لا بجللس هناا
امها:ياخالد راح ارتاح وخذ لك شاور وتعال والله بنجلس معاها لاتخاف
شوق وهي تطالع بخالد:خالد
التفت بسررعه:عيونه
ابتسمت:رح ارتاح لك ساعتين
خالد:مقدر
شوق:لاتخاااف رح على الاقل خذ لك شاور وارتاح وتعال
خالد وكانه مغصوب:ان شالله
طلع خالد
ونوره وهيا محتلين المكان وحده باليمين وحده بالشمااال وبدى استهبال نوره:ماتشوفين شر يامرت اخووي
شوق:الشر مايجيك وعقبال لك
نوره من غير قصد وتضربها على فخذها:يالدوباااا(انصدمت يوم شافت شوق دموعها تنزل من الام) شوق اسفه والله نسيييت
شوق تمسح دموعها :عاادي
تركي:شوقي بروح اشوف فهد واجيك
شوق:شفيه فهد؟؟
امها:امس صار له حادث
شوق بشهقه:هااااااااااااااااااااااااا حادث
هيا:ياقلبي ماصار شي ارتاحي انتي بس
شوق:لالالا وش صار
تركي:صار له حادث بسيط أي ترى منور تولد
شوق ببلاهه:هااااااااااااا؟
امها :ههههههههه أي تولد
شوق:الله يسهل عليهااا
جلست امها وهيا نوره عندها اما ابوها راح لفهد
نوره:انا بنزل الكفيتيريا وش تبغوون
هيا:جيبي لي كروسان وخالتي وش تبغيبن
ام راكان:جيبي لي عصير وشوقي شتبغين؟؟
شوق:مابي شي مالي خلق
امها:بتاكلين وش تبغين
شوق:ام علشان خاطركم بس عصير
نوره ببلاهه:يصير خير عصير بجيب الاكل كله تاكلينه
شوق:هههه تخيلي
نوره:يالله بطلللللللع عند البوااابه اصدمت بشخص بس توقعته انه عمها:اسفه عمي
.........:ماصار شي
نوره ومن غير لاتنتبه:بنزل الكفيتيريا تبغى شي
.......:هههههههههههههههه
رفعت راسهااا انصدددمت:راكاااااااااااااااااااااان
راكان:أي مو عاجبك
نوره وطاحت غشوتها وترفعها مره ثانيه:اسسسسفه
راكان وعجبته السوالف:لا ليش الاسف
نوره:ولا شي
راكان ابتسسسم:خلاص اوكيه
نوره:باااي
نزلت للكافتيريا وشرت الاشيااء اما راكان اللي من اول مادخل للغرفه وشوق في بكااا ماتتحمل تشوفه
لدرجه انه طلع برروه ووقف بجنب الباب وهو متضاايق وفي نفسه حتى يوم صلحت غلطتي ماسامحتيني؟؟ حرام عليك يااختي والله احبك واموت فيك ليه كذاا ليييييييييه حس باحد بيدخل التفت شافها نوره:نوووره
التفت وهي مرتاعه:هلاا
راكان:شخبارك؟؟
نوره باستغراب لهم فتره ماجلسوا مع عيال عمهم وهذروا وسولفوو يعني غريبه:انا بخير وانت؟؟
راكاان:ااااااااااه مو بخير يانوره مو بخير
نوره باستعطاااف:لييه؟(قلبها يدق طبول)
راكان الفت لها مره ثانيه وهو يطالع بعيونها السودا:اختي ماتبغى تشوفني
نوره بتجريح:مالومها
راكان:حتى انتي معها؟؟ نوره ارجوووك نفذي لي هالطلب
نوره:امر
سكت راكان ماعرف كيف يتكلم:حاولي تقربين مني اختي
نوره والدهشه بعيونها:من جدك انت لحضه لحضه مافهمت فهمني ممكن
راكان:ولا شي وهو يمشي :خلاااص انسي السالفه مع السلامه
نوره بدهشه:مع السلامه
ودخلت لداخل

في هاليوم
طلعت على الدنيا ضيفه جديده >>>بنت فهد ومنور
منور ولادتها جات سهااااله بس المسكين فهد ماقدر حتى يفرح بزوجتتته مع رجله المنكسره والثانيه مجروحه ويده وحالته حااااله


مع مرور يومين طلعت شوق ومنور من المستشفى والكل راح يبارك لمنور وطبعا شوق ماقدرت لانها تعباانه بس ارسلت لها هديتها اللي عباره عن عليه كلها خيوط صوف ملوونه وقش باللون الوردي والابيض اللؤلؤي وحاطه شمووع على جنب ومثل الستاند عليه طقم دهب لببنوته ومبلغ خمسة الاف ريال مربوطه بمثل الخيط وعلى جنب ملابس طفله لونها طبعا وردي وابيض معروض بطريقه حلوو وفي الاخير ستاند مكتوب فيه الشعر اللي عن البنت والاهدااء
كان شكله رااايق ويجنن وطفولي كثير
والبنات نفس الشي اشتركوا بهديه كبيرررره د
اللي هو تجهيز غرفة طفله ومابقى شي ماسووه حتى الجدارن جابو شركه تصبغها للالواان وجهزوها بالكامل وكانت هذي هديتهم

استانست منور وحمدت ربها على انه سهل الولااااده

وفهد كان مرتبش بس مايقدر يتحرررك هههههههههه
صافين سريرين بجنب بعض واحد لفهد واحد لمنور والطفله مابينهم
فهد:امممممممم طيب شرايك بـ ميسم
منور:لالالالا وش ميسم
فهد:طاايب ايش قريت كتاب الاسماء كله ولاعجبك شي
منور:عندي اسم بس عسى يعجبك
فهد اسدحي ماعندك
منور:ههههههههه شرايك بقمر
فهد والاسم دخل راسه
قمر فهد عبدالرحمن الــ لالا عجبني خلااااااااص بسميها قمررررر
منور:هههههه ياحليلك
فهد:واخيرا تزينت حياتنا بطفله نحبها وتكون بيننا طول الوقت
ردت عليه منور بابتساااامه

........................

بعد عشر ايام من ولادة منور كان خالد مضطر يساافر
خالد:ياشوق انتي تعبانه اجلسي هنا ولك مني وعد شهر واجي اخذك
شوق:رجلي برجلك وبروح معااااك
تركي:يابنتي
قطعته:يبه ذا زوجي ولايوم بتخلى عنننه بروح يعني برروح
خالد:خلاص طيب
وبالفعل راحت معه بالرغم من تعبهاااا




.................................................. ...................
الصدمه في وجهه مو مصدق اللي يصير
محمد يطالع في امه:انتي مو امي
ابوه:ياولدي هذا السر اللي حافظه عنك وقلت لازم اعلمك انهعالا مو امك هي خالتك
مومصدق مو مستوعب اللي يضمها ويحب راسها ويشكي لها همومه مو امه ام فيصل وناصر بس
امه توفت وهي تولده ابوها عطاه اختها اللي هي ام فيصل
يعني ام فيصل خالته
حس براسه يدور وجلس على الكنب وهو مغمض عينه
يدور بالاحدااث ااه ليه مادريت
عرف السبب لان خالته ربته واعتبرته ولدها او كثر حس بالشكر والامتنان لخاالته اللي صارت له ام حنون تشاركه همومه وتخفف عنه احزانه تشاركه في فرحته تراعيه وتخاف عليه وهو صغير وكبير

ام فيصل خافت من ردة فعله ونفس الشي ابوه
قام لها وضمها بكل حب صارت له ام وااحسن ام بعد
ناصر تو يدرري بس استوعب كلام الناس اذا قالوا ام فيصل وابو محمد
ندى توها تدرري ونفس الشي الصدمه ماليتها
بس الحمدلله عدى الموقف اللي كانوا خايفين منه على خير




.................................................. ..............................

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وردة الجوري
مــشــرفــه
مــشــرفــه
avatar

انثى عدد الرسائل : 4427
العمر : 27
العمل/الترفيه : طالبه
المزاج : رايقه
نــقــاط الــعــضو: : 50
تاريخ التسجيل : 19/09/2008

مُساهمةموضوع: رد: لو يموت الشوق قصه روعه   الثلاثاء يناير 20, 2009 4:40 am

بعد عشر سنيييين

شوق حامل بدبتها في التاسع:خلود خلود يالله عاااد قم
خالد وهو ينقلب للجهه الثانيه:ابي انااام
شوق:اعلنوا للعيد ترررى يعني مافي تراويح
خالد وهو نايم:جد؟
شوق:اجل اكذب ياللله قم
خالد وهو يقووم :هذا خلود قام لك يادوباا
شوق:ههه حرام علييييك انت السبب
خالدج وحب يحرجها:في ايش السبب؟
شوق انقلب وجهها:ولا شي يالله عاد قم
خالد:وين العيال
شوق:يلعبووون بلاي ستيشن
خالد:يالبى قلوبهم ياللللله قمت
شوق:هه ابي اروح بيت اهلي
خالد:اوكييه يالله قومي اوديك وبعدها بروح للحلااق
شوق:يالله بس اقول للعيال
طلعت شوق تنادي:فهاااد ... عبود
جاها فهااد:هلا ماما
شوق:يالله قلبي بنروح بيت جدووو استعدوا
عبودي:يعني بنشوف ليان بنت عمتي نوره
شوق:هه اللي تحبها بنشوفها بس يالله اجهزوا
طلع خااااالد وبكلمته اللي دايم يقولها:ياشباااااااااااااااااااااااااااااااااااب
فهااد:هلا بابو فهاااد
خالد:هلا ببو خاالد يالله انت اجهز مع عباادي علشان اوديك بيت جدتتتتتك
فهاد:وفرح ابي اشوفها
خالد يطالع بشوق:كانهم مسخره من الحين بدت المراهقه
شوق:ههههههههههه لاحضت بس توهم فهاد بالتسع وعبادي بال6
خالد:هههههههههههههههههههههه بس مراهقين
فهاد وعبادي:مايدرون بالسالفه وبعدها راحوا لبيت جدتهم ام راكااان
وكانت هناك نوره وراكان وبنتهم ليان
وطبعا جات شوق بعيالها كملت الشله وباركوا لهم العيييد
اما راكان وخالد طلعوا يحلقون ويتعدلون
شوق:هاا شخبار هيااا
نوره:هههههههههههههه متضايقه علشان نايف ماجا
شوق:هههههههه خليها تصبر
نوره:القلب ومايهوى
شوق:هههههههههههههههههههههه
ام راكان:وش تتكلمون فيه
شوق:عن نايف وهيا هالثنائي العجيب
امها:الله يسعدهاا

......................
راكان من عند الدرج
:نوووووووووووووووووووووووووووووره نووووووووووووووووره
نزلت نووووره:هلااااااااااا
راكان:هلااااااااااااااااااااااا بقلبي وروحي وحيااتي وطوايف جدي
نوره:ههههههههههههههههههههه كلامك تحفففه
راكان:المهم تعالي تحتو لان خيتو بتيجوووو
نوره:اوكيوو ياحيبي نورووووو
ثنااائي خبلااااااااااااان نوره خبله وراكان اخبببل تدورن وش يسميهااا يسميها حراميتيي لان من بعد زوا شوق سارقه قلبببببببببه يقول اول مره اشوف وحده تسرق رجال ممو قلبه<<<قلت لكم هبلاان

.................................................. ......
منور ببيتها وقمر كل شوي ناطه بوجهها
منور:قسسسم بالله بذبحك روحي عن وجهي شوي خليني اشتغل
قمر:مامااااااااااااااااااااا ليه انتي كذاا انا احبك
منور:وانا احبك بس الكيك بيخترب قلبي ابعدي شوي
قمر وهي زعلانه:بروح لبابا
منور:روحي له
فهد دخل المطبخ وهو شايل حلا :سلاااااام
منور:وعليكم السلاااام
فهد:كل عام وانتي عيده
ابتسمت منور
فهد يجلس على احد الكراسي ويلعب بحلا :اممم شخبارك
منور:بخير
قمر:بابا انا ماحب ماما
فهد :لييييييييييييييييه؟
قمر:دايم تقول لي ابعدي
فهد:لانك باتكس يابنتي
قمر:انا ماحبكم كلكم
وطلعت من المطبخ ويقال لها زعلاانه
فهد:مناااير قلبي
منور :هلااااا
فهد:متى بتنامين؟.
منور:على الساعه ثنتين الفجر
فهد:اوكييه انا الحين بنام مع حلاتي وقوميني الساعه وحده
منور:ان شاللله
فهد وهو يرسل لها بوسه بالهوووى
منور ابتسمت بحياا
فهد: للحين تستحين مني؟
منور:هههه لازم فطررره
فهد وهو يقوم:هههههههه حلوه الفطره بروح ارتاح لي شوي
منور:خلاااص طيب ايييييييي فهود كيكة العيد
فهد:ههههههههههه سويها انتي مالي خلق اطلع
منيره:كذااا خلاص
دخلت قمر وماسكة ملابس العيد:يعني انا بلبس هذي الملابس ؟؟ مش حلووووه
فهد:وليه مو حلوه
قمر:بحقد:لان ماما شرتها
فهد لمنور:شكلها حاقده
منور:لاحضت
فهد:يالله قلبي اترركك على خير
راح فهد ينام وهي كملت شغلها بالمطبخ
..........................................
يوم العيييد
البنات :يالله هيا انزلي تحت في مفاجاه لك
من اول ماشافته عند بداية الدرج نزلللللللت باسرع ماعندها وضمتتتتتته:نااايف فققدتك
نايف:ههههههه شوي شوي علييي
هيا:شسوي فييييييييك مشتاقة لك
نايف:وربي انا اكثر ياقلبي
هيا:الله يهدييييييك ست شهور ماشوفك حراااااااااام عليك
نايف:والله شسوي الشغل كذاا
هيا:هالمره سماااح
نايف:يالبى قلب الزعلاانه
هيا:مشكور
نايف:وين فروحه وعبدالرحمن
هيا :هونيك بجيبهم لك

............................................
في الليل
خالد يعطي شوق دفتر
شوق باستغراب :وش ذاا
خالد:هذا دفتر ذكرياتي اقري هذا كنت كاتبه يوم تزوجتك ايام ماكنتي تعبانه

شوق قامت تقرااه وتحس بدموعها على خدها
فتحت أول صفحه بدفتر لقيته كاتب أبيات

لويموت الشوق بقلوب البشر
مايموت بخافقي شوقي عليه
خذي مسافة يوم اسبوع وشهر
واعرفي اني طول عمري مشتريك
بيننا الايام واحكام الدهر
راح تعرف وش كثر قلبي بييك

قلبت الثانيه وكان كاتب
أحبك حب
مابعده حب
يا أعز البشر
أحبك وأحب كل شئ فيك
أحبك وأحب الدنيا دامك أنت فيها
بعدك عني هو سبب مشلكتي
بعدك عني هو سبب جرحي
حبيبي وينك عني
انت الحبيب الاول
وانت الحبيب الاخر
لو تروح شمال انا وراك
لو تروح جنوب تلاقني بظلك
حبيبي أحبك













_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وردة الجوري
مــشــرفــه
مــشــرفــه
avatar

انثى عدد الرسائل : 4427
العمر : 27
العمل/الترفيه : طالبه
المزاج : رايقه
نــقــاط الــعــضو: : 50
تاريخ التسجيل : 19/09/2008

مُساهمةموضوع: رد: لو يموت الشوق قصه روعه   الثلاثاء يناير 20, 2009 4:42 am

قفلت الدفتر و رفعت عينها له خاالد
ونظرته بعين مليانه دموع وحزن وقالت: انت دنيااي كلها
رد عليها بكلمه وحده بس:احبك



.تمت.

منيره وفهد وقمر وريما
خالد وشوق وفهاد وعبدالله
دانه وناصر
سوى مغامرات على مايتزوجها وبالفعل تزوجها
نجود وناصر
نوره وراكان
رنا ومنصور
هيا ونايف
عبدالعزيز والوليد اللي يدرسون الجامعه بهاردفرد لانهم وبكل بساطه كبروا
ابو راكان اللي رحمة ربي اخذته في احدى سفراته للعمل
شوق وتذكر دايم خبالها يوم كانت ماتبغى تشوف اخوها اللي الحين هو دنياها
احدااث مرررت وايام تجري واعمار ترووح

انتهت احداث قصتي الى هالحد

بس بقى شي




فيصل

.
.
فيصل وش نهايته
انا اقول
تذكرون نايف: يوم قالوا عنه عقيم .. وارسل تقاريره لالمانيا واكد عكس المستشفى..
هو نفسه المستفى اللي راح له فيصل وقالوا فيه ايدز
ولما راح فيصل لبريطانياا كان اللي فيه سرطان في الدم
عصب نايف وراح لوزراه الصحه وقفلوا المستشفى
اولا خلوه عقيم
وولد عمه خلوه مريض
اما فيصل تعالج في بريطانياا وبعدها راح لالمانيا بلد الطب
وشوفي ولله الحمد
تزوج بنت اخلاق وادب لكن مو بجمال شوق ولاربعه بعد
رجع له المرض فجاه وتوفي وزوجته حامل بالشهر الثاني
ولدت وجابت ولد يشيل اسمة(سالم)على اسم ابوه

مات فيصل
واندفن حبه معاه


انتهت قصتي


_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لو يموت الشوق قصه روعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 4 من اصل 4انتقل الى الصفحة : الصفحة السابقة  1, 2, 3, 4

صلاحيات هذا المنتدى:لاتستطيع الرد على المواضيع في هذا المنتدى
|| الــدنــيــا حــلــوهـ || :: الأقسام الأدبيه :: || الدنيا حلوهـ للقصص ||-
انتقل الى: