اهلا وسهلا بك يازائر في منتديـات || الدنيا حلوهـ ||
 
الرئيسيةمكتبة الصورالتسجيلدخول

شاطر | 
 

 آآآآه يا بطني!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
islam sniper
مــشــرف
مــشــرف
avatar

ذكر عدد الرسائل : 2134
العمل/الترفيه : طالب
المزاج : عايش والحمد لله
مزاجي :
نــقــاط الــعــضو: : 15
تاريخ التسجيل : 10/09/2008

مُساهمةموضوع: آآآآه يا بطني!   الخميس نوفمبر 13, 2008 12:27 pm

المريض: آآآآآآآآآآآآآآآآآآآه!
الدكتور: مالك يا حبيبي؟

المريض: آآآآآآآآآآآآآآآآآآآآآآآآآآآآآآآآآآآآآآآآآه!
الدكتور:يابني قولي مالك؟!

المريض:إمال أنا جايلك ليه يا دكتور؟!
الدكتور:طيب قولي بتشتكي من إيه؟! إيه الي بيوجعك؟!

المريض: بطني يا دكتور000مغص رهيييب آآآآآآآآآآآآآآآآآه!
الدكتور: طيب افتح بقك

المريض:لأأأأأأأأأأأأأأأأأأأأأأأأأأأأأأأأأأأأأأأأأأ!
الدكتور:ليييييييييييييييييييييييييييييييييييه؟!

المريض:مش جعان يا دكتور 000آآآآآآآآآآآآآآآآآآه!
الدكتور:,ومين قالك إني هأكلك! انت فاكرني مامتك؟! أنا عاوزك تفتح بقك وتطلع لسانك برة!

المريض(بسخرية):مش عاوزني بالمرة أهَوهَو؟!!!!!
الدكتور: اللهم طولك يا روح!0000يابني اسمع الكلام وافتح بقك وطلع لسانك برة!

المريض:وليه أطلع لساني وأغيظك يا دكتور؟!
الدكتور:معلشي يا سيدي أنا عاوزك تغيظني! طلّع لسانك بقى ومش تطلع روحي!

المريض:حاضر يا دكتور انت الي عاوز كدة!
آآآآآآآآآآه آهااااااااااااءا آآآآآآآآه أأأأأأأهااااااااااااءا !!!!
الدكتور: يا نهار زي بعضه! انت بتغيظني بجد؟!

المريض: مش انت الي عاوز أعملك إيه يعني؟! آآآآآآآآآه آهااااااآآآآآآهاااااااااءا آ****هآآآآآآآآآآآآآآآآآه!
الدكتور: طيب ماشي خلاص!!اكشف عن بطنك!

المريض: آآآآآآآآآآآآآآآآآآآآآآآآآآآه!
الدكتور:بالراحة ياعم انت إيه؟ بالع خروف؟!

المريض:لا والله أبداً يا دكتور0000000دة أنا يا دوبك فطرت قبل ما أروح الشغل ومافيش ساعة إلا والمغص دة جالي ومش عاوز يمشي!
الدكتور(بإهتمام):طيب مش تقول كدة من الصبح! وياترى فطرت إيه؟

المريض:آآآآآآآآآآآآآآآآآآآآآه!
الدكتور:يا عمنا انت بطل تأهأه! وقولي انت فطرت إيه؟

المريض:فطرت فول وطعمية ورغيفين عيش ومخلل!
الدكتور(بإهتمام بالغ):معلشي قول كدة تاني انت فطرت إيه؟!

المريض:آآآآآآآآآآآآآآه!
الدكتور:ها يابني فطرت إيه؟!

المريض:منا قلتلك فول وطعمية ورغيفين عيش ومخلل 000تحب ألحنهالك؟ آآآآآآآآآآآآآه!
تركه الدكتور وذهب إلى مكتبه حيث توجد إحدى جرائد المعارضة
وبها عنوان بارز فألقى نظرة عليه مرة أخرى ليتأكد من إستنتاجه ثم عاد
للمريض

المريض:إيه يا دكتور؟بتفكر تنشر نعيي مقدما في الجرنال؟!
الدكتور:لأ يا حبيبي بعد الشر عليك! إن شاء الله بسيطة 000بس00

المريض(مفزوعاً): بس إيه يا دكتور؟!
الدكتور:انت منين؟

المريض:من بنها 0000000آآآآآآآآآآآآآآه!
الدكتور:يبقى الكلام دة صحيح!

المريض:كلام إيه يا دكتور ما تجيب من الآخررررررررر آآآآآآآآآآآه!
الدكتور:أصل محافظ القليوبية قال إنه تم توزيع قمح غير صالح للإستهلاك الآدمي على القليوبية!

المريض(مذهولاً): إيييييييييه؟!!!!!!!! غير صالح للإستهلاك الآدمي؟ إمال صالح لإيه؟!
الدكتور:دة المفروض إنه علف للحيوانات!

المريض:علف؟! آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآه!آآآآآآآآآآآآه يا بطني آآآآآآآآآآآآآآآآآآآآآآآآه
الدكتور:اهدى يابني شوية

المريض:أهدى إزاي يا دكتور دة انت زودت لي المرض بكلامك دة000يعني بدل ما تعالجني تنيلها أكتر؟! آآآآآآآآآآآآآآآآآآآآآآآآآآآآآه
الدكتور:معلشي بس كان لازم أصارحك بسبب المرض!

المريض:سبب؟!دة كان سبب منيل بنيلة ياريتك ما قلته!0000علف
حيوانات؟! وأنا أقول هي الفراخ مش راضية تاكل من العيش دة ليه؟!!! أتاريها
قرفانة منه إكمنها تعودت قبل كدة عالعيش الطبيعي!!
الدكتور:طيب وانت والي زيك؟! مش لاحظتم أي فرق بين العيش الطبيعي وبين علف الحيوانات؟!!!!

المريض:لاحظنا طبعاً 000لكن نعمل إيه؟! قلنا يمكن الطوابين
قللت الدقيق شوية ودعينا عليهم وعلى الي خلفوهم وخلاص على كدة! بلاش ناكل
يعني؟ آآآآآآآآآه يا بطني آآآآآآآآه منك لله يا الي كنت السبب منك لله!
حسبي الله ونعم الوكييل فييييك آآآآآآآآآآآآآآآه
الدكتور:آه ادعي وحسبن عليهم لغاية ما تموت!

المريض:أدعي؟! دة الدعا عليهم شوية! علف للحيوانات؟! بيعلفونا ليه يا ترى؟ هيدبحونا في العيد الكبير؟!
ابتسم الدكتور رغماً عنه قائلاً:وافرض إنهم هيدبحونا!بإيدك تعمل حاجة غير الدعاء عليهم؟

المريض:لايا دكتور! كان لازم نتصرف من ساعتها لكن المصريين معدتهم شكلها أخذت على عدم النظافة 000لا مية ولا أكل ولا حتى هوا نظيف!!ولا مباركة في المرتبات ولا في مسؤول شريف ولا في سرور ولا شاعرين بأي عز ولا جمال آآآآآآآآآآآآآآآآآآآآآآآآآآه!
بس كان لازم نتصرف ولازم كل واحد يعمل الي يقدر يعمله! لكن كلنا متكلين على بعض للأسف
الدكتور:عموماً أنا هكتبلك على مسكّن مؤقتاً لغاية م00000000

قاطعه المريض قائلاً

لا يا دكتور! كفانا مسكِّنات! كفانا سكوت! كفانا خوف!
كفانا حرص كاذب بدعوى المصالح والمفاسد!
كفانا تفريض في صحة أطفالنا!

كفانا نوم في العسل!

كفانا حرص على حياة ذليلة مهينة!

دول بيتعاملوا معانا على إننا حيوانات فعلاً!! إزاي يطالبنا البعض بإحترام مثل هؤلاء؟!
حسبنا الله ونعم الوكيل!
حسبنا الله ونعم الوكيل!
حسبنا الله ونعم الوكيل!

الدكتور: استنى بس انت قايم رايح فين؟
المريض:علاج بطني مش عندك يا دكتور000000000علاج بطني وبطنك وبطون ناس كتير هناك في القبة!
فالخلاص من سبب المرض هو العلاج الجذري له أما غير ذلك فمجرد مسكنات!
الدكتور:مش فاهم! يعني ناوي تعمل إيه بالضبط؟
المريض:ناوي أبطل أقول آه يا بطني 000000هحاول أقول آه يا بلادي!

الدكتور:بلادك؟! بس المرض دة مش أخدناه في كلية الطب!
المريض:لكن هتلاقيه موجود في كل المصريين!

تركه المريض ومشى بينما نظر إليه الطبيب بأسى وهو يقول!

أهو طول عمره كدة! ييجي يشتكي وبعدين يمشي يدعي ويقول هعمل وأسوي ثم 0000000000ولا حاجة! لغاية ما يمرض تاني وهكذا


!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صندوق الدنيا
مراقب عاام
مراقب عاام
avatar

انثى عدد الرسائل : 8094
العمل/الترفيه : ربه منزل
المزاج : الحمدلله
مزاجي :
نــقــاط الــعــضو: : 110
تاريخ التسجيل : 23/09/2008

مُساهمةموضوع: رد: آآآآه يا بطني!   الخميس نوفمبر 13, 2008 1:29 pm

حلوه اوي اسلام مشكور على الموضوع وخفه الدم

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميدو المصرى
عضو ولا اروع
avatar

ذكر عدد الرسائل : 1126
العمل/الترفيه : لا ارغب
المزاج : هادىء الطباع
تاريخ التسجيل : 06/09/2008

مُساهمةموضوع: رد: آآآآه يا بطني!   الخميس نوفمبر 13, 2008 2:43 pm

حلووووووووووووووه


وسلامة بطن المريض مليون سلامه عليه

تحياتى اليك

هى قصة وروايه ظريفه بين طبيب ومريض

وتنقل للقسم المناسب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
آآآآه يا بطني!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
|| الــدنــيــا حــلــوهـ || :: الأقسام الأدبيه :: || الدنيا حلوهـ للقصص ||-
انتقل الى: